يا بقية الآل
أداء: الملا #محمد_باقر_الخاقاني
كلمات: الشاعر #أحمد_الهلباوي
مكساج #حسين_نجم
#الحسينية_الموسوية دولة الكويت
شكر خاص الى :
#حسن_المنصوري #صالح_مقدم
حساب الحسينية في الإنستقرام
https://www.instagram.com/almosawia_kw/?hl=ar
مجلس الفاطمية لسنة 1447 هـ - 2025 م
يا بقية الآل
يا ديرة تمشي بيا درب ،، متعوب الاجدام
لباب امك يحن الگلب ،، لو باب الخيام
ومازالت دموعك تصب ،، ومغرگه اللثام
خاب اللي يعبر يومه ويعدّي ،، ومايذكرك
ماله بقيامك فزعة يالمهدي ،، ويناصرك
كون اليحب لخاطرك يجعل ،، إسمك وِرد
ويخلص نهاره بذكرك ويبدي ،، ويتحسرك
دين العشگ والغيرة أفعال
وطبع اليحب يفعل إذا قال
فزعة وهب لعيون الحسين
حب وانذبح لاسولف وگال
فارزقنا يارب فيه ،، ذكراً ولا ،، تجعلنا غافلين
وَاجْعَلْهُ اللَّهُمَّ مِمَّنْ ،، حَصَّنْتَهُ ،، مِنْ ِبَأْسِ الْمُعْتَدِينَ
__
يابقية الآل
يابن التشيّع واندفن .. نعشها بالليل
يابو الونين الماسكن .. ويهدّم الحيل
يامن على صدرك جثن،، الباب والخيل
ماعدنا غير الندبة والدمعة ،، ومُر الصبر
ويمتى نفز وآذانك نسمعه ،، وي كل فجر
برجوعك الحق يرجع لأهله ،، لهذا السبب
أصبحت غاية وأمنية الرجعة ،، للمنتظر
الحبك يهم بحالك هواي
بالشمس گاعد لو بالفياي
عالفرگة يسأل والمسافات
وين استقرت بيك مولاي
دعوانا اللهم عجل ،، ظهوره ،، لنرى الحق المبين
وَاجْعَلْهُ اللَّهُمَّ مِمَّنْ ،، حَصَّنْتَهُ ،، مِنْ ِبَأْسِ الْمُعْتَدِينَ
__
يابقية الآل
وآخر دوا لأول جرح ،، معذبكم اهواي
تنفس عليك شچم صبح ،، بالغربة مولاي
بجروحك يعيل الرمح ،، ويلچمهن الماي
ما أگول وينك سيدي وأسأل ،، تغفر الي
گلب الموالي بلا وصف يندل ،، درب الولي
من احضر ابچي بمجلس الزهرة ،، اشعر الك
ايد بنزول دموعي وي اوّل ،، صرخة لعلي
مأجور گتلك ما گلت وين
وموعدنا مجلس ام الحسين
ابچي لغربتك واذكر شلون
مبچيك دم يا يوم الاثنين
دعوانا ان تجلي همه ،، والطف بنا ،، يا رب العالمين
وَاجْعَلْهُ اللَّهُمَّ مِمَّنْ ،، حَصَّنْتَهُ ،، مِنْ ِبَأْسِ الْمُعْتَدِينَ
__
يابقية الآل
ما إلها حل غيرك ابد ،، ولا غيرگ يلوگ
يشفي كسر أم مابرد ،، والبابه محروگ
وتاخذ بثار الـ بالمهد ،، والصعدن النوگ
وثار التصيح أدركني وتنادي ،، والندبة الك
وثار الغريبة الراحت بحادي ،، مو من هلك
ونار الخيام التكسر الخاطر ،، هم تنتظر
وجسم الذبيح البات بالوادي ،، يتأملك
يا حال گلبك هسه ياحال
يالراح خدرك والظعن شال
ياربِ غايب فاطمة يعود
لخاطر الماتت بيدها حبال
نجوانا اين استقرت ،، بك النوى ،، يا ثأر المتقين
وَاجْعَلْهُ اللَّهُمَّ مِمَّنْ ،، حَصَّنْتَهُ ،، مِنْ ِبَأْسِ الْمُعْتَدِينَ
